Host: 81.41.154.189
IP: 81.41.154.189
Sistema: Windows 95
Re: La nuestra bandera
Publicidad
Anda, que paici qu'estu de la bandera da muchu juegu nel foru, pa bien o pa mal.
Lo de tenel una bandera pa la comarca tampocu es una cosa mú estraña, lo mesmu que en muchus pueblus tienin, además del su escudu, la su bandera, y tampocu pasa ná por esu. Que siempri que se palra de bandera, o de lengua, o de defendel lo nuestru mos vamus a pensal pa los estremus, y esu no puedi sel.
Tenemus un lugal propiu, qu'es El Rebollal. Tenemus una lengua propia, la palra d'El Rebollal. Tenemus una cultura tradicional propia, mú diferenti de la del restu de la provincia de Salamanca. ¿Por qué no tenel una bandera d'El Rebollal comu comarca? ¿Y un equipu de fútbul que llevi el nombri de la nuestra comarca por tólus rinconis de la provincia? ¡Que tenemus qu'estal orgullosus de la nuestra tierra y jadel que la conoza la genti, cois!
Güenu, alreol de lo de la bandera, tamién palramus que quiciás, en vés de sel una bandera al usu, podía sel un pendón, comu tienin en muchus lugaris de Zamora y de León, o apaecíus a los que sacan de procesión en muchas fiestas de muchus pueblus ná más que, en vés de tenel la imagin d'un santu, no tenel ninguna imagin, ná más las coloris qu'escojamus pa'l pendón.
Güenu, vos deju una afotu de esta crasi de pendonis, a vel si sali bien la afotu y vos gusta la idea.
31/10/2009 00:40
Re: La nuestra bandera
